Poemas

Kvrvftuku

Ti tralkan toki uzamkey ta zomo aliwen Llegkey ta witrunko chi mamvll ta peru ñi newvlkvlen Fey tati koshay pewmamekefi metawe, rali witru, wangku, llagillagi. Chi mogen Tañi koñiwe mew, re kogelu wallwalltuyawi pewmakey, pewmakey, Pewmakey Pewmakey ruka, kawitu, kupvlwe, trolof.

Kom Azmogen

Ñi ruka kiñe Kallfvrayengey fey mew ta mvley kom azgelu Tvfa kom pu vñvm vlkantukey ñi vl fey pu tromv, ti mawvn chi trukur ka chiway ka zañewkey —ka tapvl reke mvlekeygvn— wilvf aliwen tami Pewma mew

Taiñ Mapu —ta trvfvrkvlewekey tami ankvn piwke mew— mvtrvmmekefi ta ko ta zugun taiñ weñenvmageel Zewma kimvn ta eymi tañi kuñvltuñiel feyta tvfey ta wiñotuel kiñe weychan mew —patakal— ta Wvlloñpoyen mew Ka, pichiken, kvmezuam mew ka kvmeelkefimi ta kimvn mew tami lamgen, ta mi peñi Fey taiñ kiñe fvtra revñmawen mogeley ka Pewmay, fey ta poyen mogen mew ta tukulpan Ta tremkey ta relmu ñi folil mew ka kom pu giyon mew wvne mogelu Mapu mew

Chuchi ayvle, kizuke mekekey ñi pvramvn chi fvn ketran pu fvn, pu lawen Pu wrarvn, pu llellipu pu vlkantun ta choyvlu ta llumkechi kelv ka petu kallfv ta wagvlen

Tañi ruka mew mvley kom azgelu: Tañi kallfv kalvlgen tañi pu ñawe ka tañi pu fotvm Ta chi kurv kalvl ta pelomtuy ta ayenmew tañi cheche Nathan Ta choz kalvl tañi pvñmo So Ta lig kalvlgen tañi zomo

May, tañi ruka tañi Kallfvrayengen fey chi wvlgiñ nvlakeyPuel / tripawe Antv pvle Tañi Mapuchegen mew, Mapu mew wentru; kiñe lof mapu choyvn Kiñe wall lof tañi fotvm wallmaley ta chuntepun… (ta afgelay).

Imagen de portada: Pablo Linsambarth, El avistamiento, 2022-2023. Cortesía del artista.